ნიგერში სამხედრო გადატრიალების ხელმძღვანელმა, გენერალმა აბდურაჰმან ჩიანმა თავი ქვეყნის ახალ ლიდერად გამოაცხადა. აღნიშნულ ინფორმაციას BBC ავრცელებს.

მედიის ცნობით, 62 წლის გენერალი ჩიანი 2011 წლიდან პრეზიდენტის გვარდიას ხელმძღვანელობდა, 2018 წელს კი, ყოფილმა პრეზიდენტმა, მაჰამადუ ისუფუმ მას გენერლის წოდება მიანიჭა.

რაც შეეხება მოქმედ პრეზიდენტ მოჰამედ ბაზუმს, რომელიც 26 ივლისს საპრეზიდენტო გვარდიამ დააკავა, როგორც BBC წერს, ის კვლავ მათ ტყვეობაში იმყოფება, თუმცა მისი ჯანმრთელობის მდგომარეობა დამაკმაყოფილებელია.

შეგახსენებთ, ნიგერში, სამხედროებმა ეროვნული ტელევიზიის პირდაპირ ეთერში სახელმწიფო გადატრიალების შესახებ გუშინ, 27 ივლისს გამოაცხადეს.

სამხედროების თქმით, სახელმწიფო გადატრიალება სუსტ ეკონომიკურ-სოციალურ მმართველობასა და უსაფრთხოების გართულებულ ვითარებას უკავშირდებოდა.

მომხდარს მალევე გამოეხმაურა ამერიკის შეერთებული შტატები, რომლის სახელმწიფო მდივანმა, ენტონი ბლინკენმა პრეზიდენტს "ურყევი მხარდაჭერა" გამოუცხადა.

ურანით მდიდარი ქვეყნის მხარდაჭერაზე ისაუბრა გაეროს გენერალურმა მდივანმა, ანტონიო გუტერეშმაც.

ნიგერში სამხედრო გადატრიალება საერთაშორისო ორგანიზაციებმა, მათ შორის, ევროკავშირმა, აფრიკის კავშირმა და დასავლეთ აფრიკის რეგინალურმა ბლოკმაც დაგმეს.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე