ნატო-უკრაინის საბჭო შავი ზღვის გავლით უკრაინული მარცვლეულის ექსპორტზე 26 ივლისს საგანგებო სხდომაზე განიხილავს. ღონისძიება ალიანსის გენერალურმა მდივანმა უკრაინის პრეზიდენტის ვლადიმირ ზელენსკის თხოვნით მოიწვია.

შეხვედრა ელჩების დონეზე გაიმართება, იუწყება ტელეარხი RTBF კავშირის ოფიციალურ წარმომადგენელ ოანა ლუნგესკუზე დაყრდნობით. ეს იქნება საბჭოს პირველი სხდომა, რომლის შექმნა 12 ივლისს ვილნიუსში გაერთიანების სამიტზე გამოცხადდა.

უკრაინული მარცვლეულის ექსპორტი შავი ზღვის პორტებიდან 17 ივლისს რუსეთს, უკრაინას, თურქეთსა და გაერო-ს შორის მარცვლეულის შეთანხმების დასრულების შემდეგ შეწყდა. მოსკოვმა განაცხადა, რომ არ დაუბრუნდება შეთანხმებას, სანამ არ შესრულდება მისი პირობები, მათ შორის ტოლიატი-ოდესა ამიაკის მილსადენის ექსპლუატაციის აღდგენა.

კიევმა განაცხადა, რომ მზად არის უზრუნველყოს მარცვლეულის ექსპორტი რუსეთის მონაწილეობის გარეშე. უკრაინის პრეზიდენტმა განაცხადა, რომ შესაბამისი ინიციატივები ანკარასა და გაეროს გაუგზავნა. მისი თქმით, გაერო-ს და თურქეთს შეუძლიათ ერთობლივად უზრუნველყონ კვების დერეფნის ფუნქციონირება.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი