პოლონეთის თავდაცვის მინისტრმა მარიუშ ბლაშჩაკმა გასცა ბრძანება პოლონეთის ჯარები გადაიყვანონ დასავლეთიდან ქვეყნის აღმოსავლეთში, ბელარუსში "ვაგნერის" ჯგუფის "ვარჯიშებთან" დაკავშირებული შესაძლო საფრთხეების გამო.

ამის შესახებ, პოლონეთის უსაფრთხოების კომიტეტის მდივანმა, ზბიგნევ ჰოფმანმა, სააგენტო PAP-ისთვის მიცემულ ინტერვიუში განაცხადა.

"ბელარუსის არმიისა და "ვაგნერის" ჯგუფის წვრთნები თუ ერთობლივი წვრთნები უდავოდ პროვოკაციაა. ამიტომ, ეროვნული თავდაცვის მინისტრმა, კომიტეტის ხელმძღვანელმა მარიუშ ბლაშჩაკმა გადაწყვიტა ჩვენი სამხედრო ფორმირებები დასავლეთიდან პოლონეთის აღმოსავლეთში გადაეყვანა. ამ ქვედანაყოფების ამოცანაა მომზადება, ასევე პოტენციური აგრესორის შეკავება", - განაცხადა ჰოფმანმა.

ხუთშაბათს ბელარუსის თავდაცვის სამინისტრომ გამოაცხადა თავისი სპეცრაზმისა და "ვაგნერის" ჯგუფის დაქირავებული ჯარისკაცების ერთობლივი წვრთნა პოლონეთის მახლობლად მდებარე პოლიგონზე.

გოფმანმა თქვა, რომ ოთხშაბათს გაიმართა პოლონეთის უშიშროების კომიტეტის სხდომა, რომელშიც, სხვა საკითხებთან ერთად, გაანალიზდა შესაძლო საფრთხეები, მაგალითად, "ვაგნერის" ჯგუფის დანაყოფების განლაგება.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი