უკრაინის თავდაცვის სამინისტრო რუსეთის ფედერაციის ხელისუფლების საპასუხოდ აცხადებს, რომ ყველა გემი, რომელიც 21 ივლისიდან იმოძრავებს რუსეთის პორტების ან მის მიერ ოკუპირებული ტერიორიების პორტების მიმართულებით, სამხედრო ტვირთის გადამზიდავად ჩაითვლება.

უკრაინის თავდაცვის უწყებამ შესაბამისი განცხადება ცოტა ხნის წინ გაავრცელა.

"2023 წლის 21 ივლისს 00:00 საათიდან ყველა გემი, რომელიც მიემართება შავი ზღვის წყლებში რუსეთის ფედერაციის საზღვაო პორტებისა და რუსეთის მიერ დროებით ოკუპირებული უკრაინის ტერიტორიაზე მდებარე უკრაინის საზღვაო ნავსადგურების მიმართულებით, უკრაინამ შეიძლება ჩათვალოს სამხედრო ტვირთის გადამზიდად”,- ნათქვამია უკრაინის თავდაცვის სამინისტროს განცხადებაში.

უწყებაში ასევე ამბობენ, რომ შავი ზღვის ჩრდილო-აღმოსავლეთ ნაწილისა და უკრაინის ქერჩ-იენიკალის სრუტის ტერიტორიებზე ნაოსნობა შეფასებულია როგორც სახიფათო და 2023 წლის 20 ივლისის 05:00 საათიდან აკრძალულია.

შეგახსენებთ, მას შემდეგ, რაც რუსეთის ფედერაციამ "შავი ზღვის მარცვლეულის შეთანხმებიდან" გასვლის გადაწყვეტილება მიიღო, გუშინ, 19 ივლისს ქვეყნის თავდაცვის სამინისტრომ გაავრცელა განცხადება, რომლის მიხედვითაც, "2023 წლის 20 ივლისის 00:00 საათიდან, ყველა გემი, რომელიც შავ ზღვაში უკრაინის პორტებისკენ მიდის, განიხილება, როგორც სამხედრო ტვირთის პოტენციური გადამზიდავი. ის სახელმწიფოები, რომელთა დროშის ქვეშაც ასეთი გემები გადაადგილდებიან, განიხილებიან როგორც უკრაინის კონფლიქტში ჩართული მონაწილეები, კიევის რეჟიმის მხარეს".

აღსანიშნავია, რომ რუსეთმა "მარცვლეულის შეთანხმება 17 ივლისს შეაჩერა. "მარცვლეულის შეთანხმება" გასულ წელს თურქეთისა და გაეროს შუამავლობით გაფორმდა.

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა