ევროსასამართლომ რუსეთის მიერ უკრაინის წინააღმდეგ 2021 წელს შეტანილი სარჩელი უსაფუძვლოდ ცნო. აღნიშნულის შესახებ ინფორმაციას BBC ავრცელებს.

გამოცემის ცნობით, 2021 წელს მოსკოვმა უკრაინის წინააღმდეგ სახელმწიფოთაშორისი საჩივარი შეიტანა ბრალდების 10 ჯგუფით, სადაც რუსეთი უკრაინას 2014 წელს მშვიდობიანი მოსახლეობის მკვლელობებში, MH17-ის ჩამოვარდნაში, რუსეთის ტერიტორიების დაბომბვაში, იძულებით გადასახლებაში, ხმის მიცემის უფლებაში ჩარევაში, რუსული ენის გამოყენების შეზღუდვასა და რუსეთის საელჩოებსა და საკონსულოებზე თავდასხმაში ადანაშაულებდა.

BBC-ის ცნობითვე, მოსკოვი ასევე ჩიოდა ჩრდილოეთ ყირიმის არხის გადაკეტვაზე და ევროსასამართლოს დროებითი ზომების გამოყენებას სთხოვდა.

"სასამართლომ რუსეთის საჩივარი ყველა თვალსაზრისით უსაფუძვლოდ მიიჩნია და აღნიშნა, რომ 2014 წლიდან უკრაინაში განვითარებულ მოვლენებთან დაკავშირებით ადრე შეტანილ თითქმის 8,5 ათას ინდივიდუალურ განცხადებას განიხილავს",- წერს გამოცემა.

ამასთან, როგორც უკრაინის იუსტიციის სამინისტროში აცხადებენ, სარჩელი ადამიანის უფლებათა ევროპული კონვენციის 33-ე მუხლით იყო შეტანილი და ის უკრაინის წინააღმდეგ ერთადერთ სახელმწიფოთაშორისი საჩივარს წარმოადგენდა.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი