2023-07-18 11:48:05, 1788 ნახვა
ომი უკრაინაში
კლევერლი - ვერ დავუშვებთ, რომ უკრაინაში ომი კიდევ 500 დღე გაგრძელდეს - ბატონო პუტინო, დაასრულეთ ეს ომი ახლავე
დიდი ბრიტანეთის საგარეო საქმეთა მინისტრის, ჯეიმს კლევერლის განცხადებით, მსოფლიო ვერ დაუშვებს, რომ უკრაინაში ომი გაჭიანურდეს.
კლევერლიმ მოუწოდა რუსეთის პრეზიდენტ ვლადიმერ პუტინს, სასწრაფოდ გაიყვანოს ჯარები უკრაინიდან და გახსნას შავი ზღვა გემებისთვის.
"ჩვენ არ შეგვიძლია დავუშვათ, რომ ეს ომი კიდევ 500 დღე გაგრძელდეს. პრეზიდენტ ზელენსკის ათპუნქტიანმა გეგმამ აჩვენა წინსვლის გზა. უკრაინას მშვიდობა სურს; ჩვენ გვინდა მშვიდობა; მთელ მსოფლიოს სურს მშვიდობა... ბატონო პუტინო, დააბრუნეთ თქვენი ჯარები სახლში, დაასრულეთ ეს ომი ახლავე",- განაცხადა კლევერლიმ ნიუ-იორკში, გაეროს უშიშროების საბჭოს სხდომაზე სიტყვით გამოსვლისას.
ავტორი: ექსპრესნიუსი,
epn.ge (@expressnews.ge)
