2023-06-28 17:44:07, 974 ნახვა

---

კალასი - ევროპის მოკავშირეებმა თავდაცვისუნარიანობა როგორც რუსეთის, ასევე ბელარუსის წინააღმდეგ უნდა გააძლიერონ

ევროპის მოკავშირეებმა უნდა გააძლიერონ მათი თავდაცვისუნარიანობა როგორც რუსეთის, ასევე ბელარუსის წინააღმდეგ, - ამის შესახებ ესტონეთის პრემიერ-მინისტრმა, კაია კალასმა განაცხადა.

მისივე თქმით, ბელარუსიც თანააგრესორია, რადგან მუდმივად მუშაობს რუსეთთან ერთად.

"თავდაცვითი ინდუსტრიების გაძლიერება და ჩვენი თავდაცვის მზადყოფნა ამ კუთხით უაღრესად მნიშვნელოვანია. როგორც ჩანს, მათ ვისაც ჩვენზე უკეთესი მეზობლები ჰყავთ, შესაძლებელია, ჰქონდეთ  განცდა, რომ ეს ყველაფერი უბრალოდ გაქრება, მაგრამ სინამდვილეში ეს არის გრძელვადიანი პროცესი", - განაცხადა კალასმა.

შეგახსენებთ, გუშინ, 27 ივნისს ბელარუსის პრეზიდენტმა ალექსანდრ ლუკაშენკომ დაადასტურა, რომ კერძო სამხედრო დაჯგუფება "ვაგნერის" დამფუძნებელი ევგენი პრიგოჟინი ბელარუსში ჩავიდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი