კენტუკის შტატში სამხედრო ვერტმფრენები ერთმანეთს შეეჯახნენ

2023-03-30 12:25:41, 1296 ნახვა

მსოფლიო

კენტუკის შტატში სამხედრო ვერტმფრენები ერთმანეთს შეეჯახნენ - არის მსხვერპლი

ამერიკის შეერთებული შტატებში, კენტუკის შტატში ორი სამხედრო ვერტმფრენი ერთმანეთს შეეჯახა. აღნიშნულ ინფორმაციას BBC ავრცელებს.

საერთაშორისო მედიის ცნობით, შემთხვევის შედეგად არიან დაღუპულები.

ადგილობრივი ახალი ამბების ინფორმაციით, ინციდენტი ფორტ კემპბელის სამხედრო ბაზის სიახლოვეს, ადგილობრივი დროით, დაახლოებით, 21:35 საათზე მოხდა და სავარაუდოდ, 9 ადამიანი დაიღუპა.

როგორც BBC-სთან საუბრისას ფორტ კემპბელის სპიკერმა განაცხადა, ორი ვერტმფრენი "ჩვეულებრივი სასწავლო მისიის დროს" ჩამოვარდა.

მომხდართან დაკავშირებით დაწყებულია გამოძიება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,