პენტაგონის სპიკერმა ჯონ კირბიმ განაცხადა, რომ შეერთებულმა შტატებმა ალასკაზე ამოუცნობი მფრინავი ობიექტი ჩამოაგდო. მან დასძინა, რომ „ობიექტის ფრენის მიზანი უცნობია და ჯერ არ არსებობს ინფორმაცია, რომელიც დაადასტურებს მისთვის დაკისრებულ დავალებას“.

„მე შემიძლია დავადასტურო, რომ თავდაცვის დეპარტამენტი აკვირდებოდა ობიექტს ალასკას საჰაერო სივრცეში ბოლო 24 საათის განმავლობაში. ობიექტი დაფრინავდა 40 000 ფუტის (დაახლოებით 12 ათასი მეტრის) სიმაღლეზე და რეალურ საფრთხეს უქმნიდა სამოქალაქო ფრენების უსაფრთხოებას. სიფრთხილის გამო და პენტაგონის რეკომენდაციით, პრეზიდენტმა ბაიდენმა ობიექტის ჩამოგდების ბრძანება გასცა. ", - თქვა კირბიმ.

აპარატის ნამსხვრევები ყინულით დაფარულ ზღვაში ჩავარდა, მაგრამ სამხედროები ნამსხვრევების აღებას ცდილობენ. არ არსებობს ნიშანი იმისა, რომ ხომალდს შეეძლო მანევრირება და ვაშინგტონმა არ იცის რომელ ქვეყანას ეკუთვნოდა, დასძინა კირბიმ.

საჰაერო ძალების ბრიგადის გენერალმა პატრიკ რაიდერმა დაამატა, რომ პენტაგონის უფროსს ლოიდ ოსტინს არ უცდია ჩინეთთან დაკავშირება ამ კონკრეტული ინციდენტის შემდეგ.

თებერვლის დასაწყისში, ჩინეთის ბუშტმა, რომელიც გადაფრინდა აშშ-ს ტერიტორიაზე, გამოიწვია დიპლომატიური დაპირისპირება ვაშინგტონსა და პეკინს შორის. შემდეგ აეროსტატი რამდენიმე დღის განმავლობაში იმყოფებოდა ამერიკის საჰაერო სივრცეში, გადაფრინდა ბირთვული რაკეტების კონტროლის ბაზაზე და ჩამოაგდეს 4 თებერვალს.

ავტორი: ექსპრესნიუსი,

სოციალური ქსელები

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები

ზელენსკიმ კიევში დარტყმის ადგილები მოინახულა

მეუფე დანიელი - ჩვენი დიდი სურვილია, რომ ქვეყანაში დასრულდეს ურთიერთდაპირისპირება

სამთავრობო იმედის სახემ ნანუკა ხაზარაძემ ტელევიზია დატოვა