უკრაინის პრეზიდენტს, ვოლოდიმირ ზელენსკის სურს პირადად ეწვიოს გაერო-ს გენერალურ ასამბლეას. აღნიშნულის შესახებ უკრაინის საგარეო საქმეთა მინისტრის მოადგილემ ემინე ჯაპაროვამ Associated Press-თან საუბრისას განაცხადა.

მისი თქმით, ზელენსკის სურდა გაერო-ს ქვეყნების წარმომადგენლებთან პირადად ესაუბრა, მაგრამ მისი ვიზიტი ბევრ ფაქტორზეა დამოკიდებული, მათ შორის ფრონტზე არსებულ ვითარებაზე.

"ჩვენს პრეზიდენტს სურს მოსვლა, არის სურვილი, მაგრამ ჯერ კიდევ საკითხავია, იქნება თუ არა უსაფრთხოების სიტუაცია ისეთი, რომ ის შეძლებს მოსვლას", - განაცხადა ჯეპაროვამ.

აღსანიშნავია, რომ უკრაინის ელჩმა გაეროში სერხი კისლიცამ განაცხადა, რომ გენერალურ ასამბლეას 23 თებერვალს დაგეგმილი აქვს ომის შესახებ დებატები, ხოლო ნეორე დღეს კი უშიშროების საბჭოს მინისტრთა სხდომა გაიმართება. 

ჯაპაროვამ მედიის კომენტარში დასძინა, რომ პრეზიდენტს სურს გაერო-მ მიიღოს რეზოლუცია უკრაინული მშვიდობის ფორმულის შესახებ და ასევე მხარი დაუჭიროს რუსეთის წინააღმდეგ სპეციალური ტრიბუნალის შექმნას.

შეგახსენებთ, ადრე თურქეთში უკრაინის ელჩმა განაცხადა, რომ უკრაინის სამშვიდობო სამიტი 24 თებერვალს არის დაგეგმილი. დაგეგმილია, რომ ის ნიუ-იორკში გაეროს შტაბ-ბინაში გაიმართება.

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა