რუსეთის ერთ-ერთმა ყველაზე თანამედროვე ხომალდმა, რომელიც აღჭურვილია მოწინავე ჰიპერბგერითი რაკეტებით, ნორვეგიის ზღვაში წვრთნები ჩაატარა. ამის შესახებ რუსეთის თავდაცვის სამინისტრომ განაცხადა.

უწყების ცნობით, ფრეგატმა „ადმირალ გორშკოვმა“ ჩაატარა საჰაერო თავდაცვის წვრთნები, საჰაერო დარტყმების მოგერიების პრაქტიკა ზღვაზე რთულ ამინდის პირობებში.

ეკიპაჟი ასევე ვარჯიშობდა გემზე მანევრირებას, სამიზნე დანიშნულების მონაცემების გადაცემასა და მიღებას და ბორტზე იარაღის განლაგებას. 

გასულ ოთხშაბათს, ხომალდი ჩრდილოეთ რუსეთის პორტიდან მას შემდეგ დაიძრა, რაც რუსეთის პრეზიდენტი ვლადიმერ პუტინი გემის მეთაურს და თავდაცვის მინისტრს სერგეი შოიგუს ვიდეო ბმულით ესაუბრა, იტყობინება საინფორმაციო სააგენტო TASS.

პუტინი იკვეხნიდა, რომ გემს გადაჰქონდა ცირკონის ჰიპერბგერითი რაკეტები, შორი დისტანციური იარაღი, რომლებიც ხუთჯერ აღემატება ხმის სიჩქარეს და უფრო რთულია მათი აღმოჩენა და ჩაჭრა.

იმ დროს უკრაინის კონფლიქტი კონკრეტულად TASS-ის ანგარიშში არ იყო ნახსენები. შეიძლება თუ არა ცირკონის რაკეტის განლაგება ამ ომში, გაურკვეველია.

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა