2022-12-14 14:47:01, 2410 ნახვა
ომი უკრაინაში
აზოვსტალის მცველს აშშ-ში ხელის ოპერაცია ჩაუტარდა [ფოტოები]
რუსული ტყვეობიდან გათავისუფლებულ აზოვსტალის დამცველს, მიხაილ დიანოვს აშშ-ში ხელის ოპერაცია გაუკეთეს.
FC Shakhtar-ის ცნობით, საზღვაო ქვეითს ოპერაცია 13 დეკემბერს სენტ-ლუისში ჩაუტარდა და წარმატებითაც დასრულდა.
გავრცელებული ინფორმაციით, რეაბილიტაციის შემდეგ მიხაილის მარჯვენა ხელი სრულად იფუნქციონირებს.
ასევე აღნიშნულია, რომ დიანოვი უკრაინაში უახლოეს დღეებში დაბრუნდება.
ცნობისთვის, მიხაილ დიანოვი უკრაინის შეიარაღებული ძალების 36-ე ცალკეული საზღვაო ბრიგადის უფროსი სერჟანტია.
ბრძოლის დროს მას ჭრილობები ორივე ფეხსა და მარჯვენა მკლავში მიაყენეს. დამცველს ზედა კიდურში 4 სანტიმეტრი ძვალი აკლია.
დიანოვი რუსული ტყვეობიდან, 214 ჯარისკაცთან ერთად, 21 სექტემბერს გაათავისუფლეს. მას წამების კვალი ეტყობოდა და 40 კილოგრამი ჰქონდა დაკლებული.
ავტორი: ექსპრესნიუსი,
epn.ge (@expressnews.ge)
