უკრაინის ტერიტორიის დაახლოებით 30% დანაღმულია და მის სრულად გაწმენდას, დაახლოებით 10 წელი დასჭირდება, - ამის შესახებ უკრაინის შინაგან საქმეთა მინისტრის მოადგილემ, მერი ჰაკობიანიმ გამართულ ბრიფინგზე განაცხადა.

"უკრაინის ტერიტორიის დაახლოებით 174 ათასი კვადრატული კილომეტრი დღეს რჩება დანაღმული, ჩვენი სპეციალისტების ანალიზისა და შეფასებით. ეს არის ჩვენი ტერიტორიების დაახლოებით 30%. დღეს უკრაინის დანაღმული ტერიტორია ოთხ შვეიცარიის ფართობს უდრის", - თქვა მან.

მისი თქმით, ეს ძალიან დემონსტრაციულად და ნათლად მეტყველებს უკრაინაში ნაღმებთან დაკავშირებული რეალურ ვითარებაზე.

„ჩვენ დასახული გვაქვს ძალიან ამბიციური მიზანი, რომ 10 წელიწადში შევძლებთ ამ ტერიტორიების გასუფთავებას. როგორც ჩანს, ბევრია, მაგრამ ასეთი ტიპის საქმისთვის ეს საკმარისი არ არის. მთავარია, რაზეც დღეს ვმუშაობთ, ჩვენი გაძლიერებაა“, - განაცხადა ჰაკობიანმა.

როგორც ცნობილია, ევროკავშირი უკრაინის ტერიტორიის განაღმვისთვის 1 მილიონ ევროზე მეტს გამოყოფს.

იაპონია და კამბოჯა ასევე გეგმავენ დაეხმარონ უკრაინას ტერიტორიის ნაღმებისგან გაწმენდაში. 

ავტორი: ექსპრესნიუსი,

სოციალური ქსელები

უკრაინამ სამი დღის განმავლობაში მეორედ დაარტყა მოსკოვის ნავთობგადამამუშავებელ ქარხანას

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს