2022-11-22 12:19:49, 1275 ნახვა

---

„გაზრდილია ტერაქტების, დივერსიებისა და მძევლების აყვანის რისკი“ - СБУ კიევ-პეჩორის ლავრაში ჩხრეკას აწარმოებს

უკრაინის უსაფრთხოების სამსახური კიევ-პეჩორის ლავრაში ჩხრეკას აწარმოებს. აღნიშნულ ინფორმაციას უკრაინული მედია სამართალდამცავ უწყებებზე დაყრდნობით ავრცელებს.

СБУ-ს ცნობით, კიევის უდიდეს მონასტერში, კონტრდაზვერვითი ღონისძიებები ეროვნულ პოლიციასა და ეროვნულ გვარდიასთან ერთად, რუსული სპეცსამსახურების დივერსიული საქმიანობის წინააღმდეგ ტარდება.

„რუსეთის შეიარაღებული აგრესიის გათვალისწინებით, გაზრდილია ტერორისტული აქტების, დივერსიების, მძევლების აყვანის რისკი განსაკუთრებით ხალხმრავალ ადგილებში“, - ნათქვამია უკრაინის უსაფრთხოების სამსახურის განცხადებაში.

СБУ-ში ამბობენ, რომ ღონისძიებები ხორციელდება: 

• ლავრის, როგორც "რუსული სამყაროს" ცენტრის გამოყენებისგან თავიდან ასაცილებლად.
• მონაცემთა გადამოწმებისთვის, რომ უკრაინის ეკლესიის შენობები, შესაძლოა, გამოიყენონ დივერსიულმა და სადაზვერვო ჯგუფებმა, უცხო ქვეყნის მოქალაქეების, იარაღის შესანახად და ა.შ.
• პროვოკაციებისა და ტერორისტული აქტებისგან მოსახლეობის უსაფრთხოების უზრუნველყოფად.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი