ამერიკის შეერთებულმა შტატებმა და ესპანეთმა განაცხადეს, რომ უკრაინას ახალ საჰაერო თავდაცვის სისტემებსა და რაკეტებს გაუგზავნიან. ამის შესახებ ინფორმაციას BBC ავრცელებს. 

ეროვნული უსაფრთხოების მრჩეველმა ჯეიკ სალივანმა განაცხადა, რომ შეერთებული შტატები უკრაინას Avenger-ის საზენიტო იარაღს გადასცემს - ეს არის მოკლე დისტანციის საჰაერო თავდაცვის სისტემა, რომლებიც Stinger რაკეტებს ისვრის.

რამდენი ასეთი ინსტალაცია გადაიცემა უკრაინას, ჯერ ცნობილი არ არის.

გარდა ამისა, სალივანის თქმით, შეერთებული შტატები უკრაინას გაუგზავნის რაკეტებს Hawk-ის ინსტალაციისთვის.

ესპანეთმა დადო პირობა, რომ ისიც გადასცემს ორ ასეთ ინსტალაციას უკრაინას. ამის შესახებ ესპანეთის თავდაცვის მინისტრმა მარგარიტა რობლესმა უკრაინელ სამხედროებთან შეხვედრისას განაცხადა, რომლებიც ესპანეთში წვრთნებს გადიან.

Hawk არის საშუალო დისტანციის საზენიტო სისტემა - მისი რაკეტები ხვდება სამიზნეებს 50 კმ-მდე დაშორებით და 20 კმ-მდე სიმაღლეზე.

გარდა საზენიტო დანადგარებისა, რობლის თქმით, ესპანეთი უკრაინას გადასცემს ჰაუბიცების ბატარეას და დენის გენერატორებს.

უკრაინის პრეზიდენტის აპარატის უფროსმა ანდრეი ერმაკი განმარტა, რომ აშშ-ს ახალი დახმარების პაკეტის მოცულობა, ფულადი თვალსაზრისით, 400 მილიონი დოლარი იქნება. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა