კოცონი ქუჩებში, გაფიცვები, შეტაკებები დემონსტრანტებსა და სამართალდამცავ ძალებს შორის - მეოთხე კვირაა, ირანში საპროტესტო აქციები არ წყდება, რომელიც 22 წლის ქურთი გოგონას, მაჰსა ამინის გარდაცვალების შემდეგ დაიწყო, გოგონა მორალის პოლიციამ დააკავა, და პოლიციის განყოფილებაში გარდაიცვალა.

საპროტესტო გამოსვლებს მრავალი ფორმა აქვს, ქალები თავსაბურავებს იშორებენ და თმას იჭრიან. და ჰაკერებმა გატეხეს ირანის სახელმწიფო ტელეარხის ეთერი. გთავაზობთ კადრებს, რომლებიც ეკრანებზე გამოჩნდა საღამოს საინფორმაციო გამოშვების დროს: ირანის უზენაესი ლიდერი ალი ხამენეი ჯოჯოხეთის ცეცხლში, აქციების დროს დაღუპული გოგონების ფოტოებს თან ახლდა წარწერა: "ჩვენი ახალგაზრდობის სისხლი თქვენს ხელებზეა. ქალები, სიცოცხლე, თავისუფლება." გაჭრა რამდენიმე წამს გაგრძელდა.

ინტერნეტ პროვაიდერმა Netbloks-მა, რომელიც ფუნქციონირებს ირანში, გამოაცხადა ეროვნულ მობილურ ქსელში გათიშვისა და გაუმართაობის შესახებ. ირანელი ქალების მხარდამჭერი აქციები სხვა ქვეყნებშიც ტარდება, ეს კვირა კვირას ლონდონში გაიმართა. მისი ერთ-ერთი წევრი ამბობს:

"მოგეხსენებათ, ინტერნეტი გათიშულია და ირანში არ შეუძლიათ გარედან ადამიანებთან დაკავშირება, რათა მათ მიაწოდონ ინფორმაცია იმის შესახებ, თუ რა ხდება ახლა ირანში. ამის გამო, ჩვენ დღეს აქ ვართ, რომ ვიყოთ მათი ხმა. ყველა ირანელს აქვს პრობლემები ამ ხელისუფლებასთან. ისინი ფიქრობენ, რომ დროა ბოლო მოეღოს ამას. ისინი ყველა გამოდიან ქუჩაში, რომ თქვან არა ამ ხელისუფლებაზე." -ამბობს აქციის მონაწილე.

უფლებადამცველების თქმით, ირანში საპროტესტო აქციების ჩახშობის დროს სულ მცირე 95 ადამიანი დაიღუპა, რამაც გაზარდა დაძაბულობა თეირანსა და დასავლეთს შორის. ირანის ხელისუფლება საპროტესტო გამოსვლებში გარე ძალებს ადანაშაულებს და გასულ კვირას გამოაცხადა 9 უცხო ქვეყნის დაკავება, მათ შორის საფრანგეთისა და გერმანიის.

ავტორი: ექსპრესნიუსი,

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება