უკრაინის შეიარაღებული ძალების მთავარსარდალმა, ვალერი ზალუჟნიმ საინფორმაციო სააგენტო Ukrinform-თან საუბრისას განაცხადა, რომ ყირიმის აეროდრომზე აფეთქებები უკრაინელი სამხედროების სარაკეტო დარტყმების შედეგი იყო.

მისი თქმით, თავდასხმის შედეგად 10 რუსული გამანადგურებელი  დაზიანდა. ეს იყო პირველი შემთხვევა, როდესაც უკრაინა თავს დაესხა ყირიმს თებერვალში რუსეთის ფართომასშტაბიანი შემოჭრის დაწყების შემდეგ.

"ყირიმის აეროდრომზე აფეთქებები უკრაინელი სამხედროების სარაკეტო დარტყმების შედეგი იყო.  ეს ოყო უკრაინის შეიარაღებული ძალების წარმატებული ძალისხმევა, საომარი მოქმედებების დროებით ოკუპირებული ყირიმის ავტონომიური რესპუბლიკის ტერიტორიაზე გადასატანად. საუბარია მტრის საჰაერო ბაზებზე სარაკეტო დარტყმების სერიაზე, პირველ რიგში, საკის აეროდრომზე"

რუსეთის სამხედრო შესაძლებლობებზე ზიანის მიყენების გარდა, ზალუჟნიის თქმით, თავდასხმები გამიზნული იყო რუსეთის ზოგადი სამხედრო ნდობისა და დაუსჯელობის გრძნობის შესამოწმებლად.

 ცნობისთვის, უკრაინამ უარი თქვა 9 აგვისტოს საკის აეროდრომზე მომხდარ აფეთქებაში თავისი როლის აღიარებაზე და აფეთქებებში რუსი ჯარისკაცების დაუდევრობა დაადანაშაულა.საკის საჰაერო ბაზა მდებარეობს ნოვოფედორივკას მახლობლად, ყირიმის დასავლეთ სანაპიროზე.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია