უკრაინის პრეზიდენტმა ვოლოდიმირ ზელენსკიმ ევროკომისიის პრეზიდენტ ურსულა ფონ დერ ლაიენთან სატელეფონო საუბარი გამართა. პრეზიდენტის ოფისის ცნობით, მხარეებმა რუსეთის ნავთობისა და გაზის მოულოდნელად მაღალ შემოსავალზე ისაუბრეს.

ზელენსკის ცნობით, უკრაინის  ევროკავშირში მიღების დასაჩქარებლად, შესაძლოა ევროკომისიამ  უკრაინა შვიდი რეკომენდაციას შესრულების შემდეგ, დაჩქარებულად, შეაფასასოს.

„ჩვენ განვიხილეთ ევროკავშირის მაკროფინანსირების შემდეგი ტრანშის ადრეული გამოყოფა.  ასევე  სანქციების მე-8 პაკეტის მომზადების აუცილებლობა, რომელიც ასევე უნდა შეიცავდეს რუსეთის ფედერაციის მოქალაქეებისთვის ვიზების გაცემის აკრძალვას“, - განაცხადა  ზელენსკიმ.

ცნობისთვის, 2022 წლის 23 ივნისს ევროპულმა საბჭომ უკრაინას ევროკავშირში წევრობის კანდიდატის სტატუსი მიანიჭა.

ამავდროულად, უკრაინამ არაერთი მნიშვნელოვანი რეფორმა უნდა განახორციელოს. ევროკომისიამ წარმოადგინა შვიდი რეკომენდაცია აუცილებელი რეფორმების განსახორციელებლად. კერძოდ, ამ რეკომენდაციებს შორისაა საკონსტიტუციო სასამართლოს მოსამართლეთა შერჩევის დაჩქარება, მართლმსაჯულების სისტემის რეფორმის გაგრძელება, კორუფციისა და ფულის გათეთრების წინააღმდეგ ბრძოლა, დეოლიგარქიზაციის შესახებ კანონის იმპლემენტაციის ხელშესახები შედეგების ჩვენება. , აუდიოვიზუალური კანონმდებლობის ევროპულთან ჰარმონიზაცია, ეროვნული უმცირესობების შესახებ კანონის მიღება და განხორციელება.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია