უკრაინის გამარჯვება ამ ომში ნიშნავს მისი ტერიტორიული მთლიანობის სრულ აღდგენას, სადაც ეს შესაძლებელია სამხედრო გზით და სადაც ეს შესაძლებელია დიპლომატიური საშუალებებით,- ამის შესახებ უკრაინის საგარეო საქმეთა მინისტრმა დმიტრო კულებამ Krym.Realiya-სთან ინტერვიუში განაცხადა.

უკრაინის საგარეო საქმეთა სამინისტროს ხელმძღვანელმა ინტერვიუში ხაზგასმით აღნიშნა, რომ აუცილებელია რუსების განდევნა უკრაინის კონსტიტუციური სახელმწიფო საზღვრიდან. მან ასევე განმარტა ომის სამი ეტაპი.

„24 თებერვალს (რუსული ჯარების) პოზიციაზე დაბრუნება არის იმ წამების გაგრძელება, რომელშიც უკრაინა 2014 წლიდან 2022 წლამდე ცხოვრობდა. უკრაინის გამარჯვება ამ ომში ნიშნავს მისი ტერიტორიული მთლიანობის სრულ აღდგენას, სადაც ეს შესაძლებელია სამხედრო გზით და სადაც ეს შესაძლებელია დიპლომატიური საშუალებებით. შემდეგ იქნება ომის მეორე ეტაპი - ეს იქნება ომის დანაშაულების, გენოციდის, კაცობრიობის წინააღმდეგ ჩადენილ დანაშაულებში, აგრესიის დანაშაულებებში დამნაშავეთა პასუხისგებაში მიცემა და კომპენსაციის გადახდა. შემდეგ კი მესამე ეტაპი დადგება - რუსი ხალხის, რუსული ელიტის მონანიება“, - განაცხადა კულებამ.

მისი თქმით, „დადგება დღე, როცა რუსეთის რომელიმე ლიდერი, ვინც არ უნდა იყოს, მოვა უკრაინაში, დაიჩოქებს რუსული აგრესიის მსხვერპლთა ძეგლის წინ, დიდხანს დაიჩოქებს და ბოდიშს მოუხდის უკრაინელ ხალხს ყველაფრისთვის“.

"და როცა ეს მოხდება, ეს იქნება უკრაინის საბოლოო გამარჯვება", - დასძინა კულებამ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია