2022-07-15 11:51:45, 865 ნახვა
მსოფლიო
ლატვია 2023 წლიდან რუსული გაზის იმპორტს კრძალავს
ლატვია 2023 წლიდან რუსული გაზის იმპორტს აკრძალავს. სეიმმა ს ენერგეტიკის კანონში შეტანილ ცვლილებებს მხარი დაუჭირა.
ცვლილებები ბუნებრივი აირის მიწოდების მარშრუტების დივერსიფიკაციასა და ბუნებრივი აირის სტრატეგიული რეზერვების უზრუნველყოფასაც ითვალისწინებს.კანონპროექტი მინისტრთა კაბინეტს ავალდებულებს 2023 წლის 31 დეკემბრამდე ეროვნული ბირთვული ენერგიის პროგრამის შესახებ ანგარიში სეიმას წარუდგინოს.
ლატვიამ რუსეთზე ენერგოდამოკიდებულების მკვეთრად შემცირება რუსეთ-უკრაინის ომის გამო გადაწყვიტა. 2021 წლის მონაცემებით, ლატვია რუსულ გაზზე 90%-ით იყო დამოკიდებული.
ავტორი: ექსპრესნიუსი,
epn.ge (@expressnews.ge)
