ბრიტანეთმა  ეუთოს საპარლამენტო ასამბლეის რუსეთის დელეგაციას ვიზების მიღებაზე უარი უთხრა ,- განაცხადა რუსეთის ფედერაციის საბჭოს საერთაშორისო საქმეთა კომიტეტის თავმჯდომარის პირველმა მოადგილემ ვლადიმერ ჯაბაროვმა.

როგორც ჯაბაროვმა განმარტა, რუსული დელეგაციის ყველა წევრი დიდი ბრიტანეთის სანქციების სიაშია. ამის გათვალისწინებით, მისი თქმით, მათ „დროულად სთხოვეს ასამბლეის ხელმძღვანელობას, ისევე როგორც რუსეთის საგარეო საქმეთა სამინისტროს, შეემუშავებინათ და გადაეჭრათ ბრიტანული მხარის მიერ დიდ ბრიტანეთში შესვლის ვიზების გაცემის გარანტიების საკითხი, რათა  პარლამენტარებმა მონაწილეობა მიიღონ ამ მნიშვნელოვან საპარლამენტთაშორისო ღონისძიებაში“.

"ჩვენ მივიღეთ არსებითად აღმაშფოთებელი პასუხი, რომ ბრიტანეთის მთავრობას - სიტყვასიტყვით - არ შეუძლია ვიზების გაცემა ეუთოს საპარლამენტო ასამბლეაში რუსეთის დელეგაციის წევრებზე, რა მიზნითაც ისინი უნდა ჩასულიყვნენ ქვეყანაში", - განუცხადა ჯაბაროვმა რუსულ მედიას.

ეუთოს საპარლამენტო ასამბლეის 29-ე ყოველწლიური სესია ბირმინგემში 2022 წლის 2-6 ივლისს გაიმართება.

TASS-ის ცნობით,ასამბლეის სესიაზე შეიძლება დაისვას საკითხი ეუთოს საპარლამენტო ასამბლეიდან რუსეთის დელეგაციის გარიცხვის შესახებ.

11 მარტს ბრიტანეთის საგარეო საქმეთა სამინისტრომ სანქციები დაუწესა სახელმწიფო დუმის 386 დეპუტატს თვითგამოცხადებული DPR-ისა და LPR-ის დამოუკიდებლობის აღიარებისთვის და აღნიშნა, რომ სწორედ ეს გადაწყვეტილება არის უკრაინაში ომის დაწყების საბაბი.

ავტორი: ექსპრესნიუსი,

სოციალური ქსელები

წელს მეორედ, პუტინმა უკრაინაში ომის ასობით ათასი მსხვერპლი „არა ფუჭად“ მოიხსენია

„გამარჯობა, გრენლანდია!“: ტრამპი კუნძულის შესახებ ახალ პოსტს აქვეყნებს

ჩინეთში, ქვანახშირის მაღაროში მომხდარი ავარიის შედეგად 80-ზე მეტი ადამიანი დაიღუპა.

დიუშენის კუნთოვანი დისტროფიის მქონე ბავშვების დასახმარებლად ამ დროისთვის 1 000 000 ლარი შეგროვდა