2022-04-11 11:07:31, 2092 ნახვა
ომი უკრაინაში
ბრიტანეთის დაზვერვა - რუსეთმა, შესაძლოა მარიუპოლში ფოსფორიანი საბრძოლო მასალები გამოიყენოს
ბრიტანეთის დაზვერვის წარმომადგენლები აცხადებენ, რომ რუსეთი აგრძელებს უმართავი ბომბების გამოყენებას და მათ შესაძლოა მარიუპოლში ფოსფორიანი საბრძოლო მასალები გამოიყენონ. - ამის შესახებ დიდი ბრიტანეთის თავდაცვის დეპარტამენტმა Twitter-ზე განაცხადა.
დაზვერვის ინფორმაციით, ბრძოლა მარიუპოლისთვის მწვავდება, რაც ზრდის მშვიდობიანი მოსახლეობის შემდგომი მსხვერპლის რისკს.
ამასთან, ბრიტანეთმა დაადასტურა უკრაინის თავდაცვის სამინისტროს ინფორმაცია, რომ შეიარაღებულმა ძალებმა ერთი დღით ადრე მოიგერიეს რამდენიმე თავდასხმა დონეცკისა და ლუგანსკის ოლქებში, გაანადგურეს რამდენიმე რუსული ტანკი, მანქანა და საარტილერიო სისტემა.
ავტორი: ექსპრესნიუსი,
epn.ge (@expressnews.ge)
