2022-04-06 10:15:38, 1271 ნახვა
ომი უკრაინაში
ტარას დუმენკოს ინფორმაციით, გოსტომელში სულ მცირე 400 ადამიანი უგზო-უკვლოდ დაიკარგა
კიევის ოლქის ქალაქ გოსტომელის სამხედრო ადმინისტრაციის ხელმძღვანელის, ტარას დუმენკოს ინფორმაციით, ქალაქში ოკუპაციის განმავლობაში, სულ მცირე 400 ადამიანი უგზო-უკლოდ დაიკარგა.
როგორც დუმენკო აღნიშნავს, დადასტურებულია ცნობები მოქალაქეების მკვლელობის შესახებ, თუმცა უკრაინული მხარე ცხედრებს ვერ პოულობს, რადგან ოკუპანტები საკუთარ კვალს შლიან.
„გოსტომელის მიმართულებით, გზის გასწვრივ იყო ჩაცხრილული მანქანები, სადაც ცხედრები ესვენა, მათ შორის ბავშვები, მაგრამ ეს ცხედრები გაქრა", - განაცხადა დუმენკომ.
ცნობისთვის, უკრაინულმა მხარემ ოკუპანტებისგან კიევის ოლქი (ირპენი, ბუჩა, გოსტომელი) 2 აპრილს დაიბრუნეს.
ავტორი: ექსპრესნიუსი,
epn.ge (@expressnews.ge)
