2022-04-04 15:29:49, 1001 ნახვა

---

პოლონეთის პრემიერი - გერმანია არის მთავარი დაბრკოლება რუსეთის წინააღმდეგ უფრო მკაცრი სანქციების დაწესებისთვის

პოლონეთის პრემიერ-მინისტრის,  მატეუშ მორავიეცკის განცხადებით, გერმანია არის მთავარი დაბრკოლება რუსეთის წინააღმდეგ უფრო მკაცრი სანქციების დაწესებისთვის. ამის შესახებ მან გამართულ პრესკონფერენციაზე ისაუბრა.

მან გააკეთა განცხადება მას შემდეგ, რაც უნგრეთის პრემიერ-მინისტრმა ვიქტორ ორბანმა მეოთხედ გაიმარჯვა სახალხო არჩევნებში, მიუხედავად იმისა, რომ მისი წარმოებული პოლიტიკა არ იყო საკმარისად მკაცრი რუსული აგრესიის მიმართ.

„ეს არის ზედიზედ მეოთხე გამარჯვება, უმაღლესი გამარჯვება საკონსტიტუციო უმრავლესობით. დემოკრატიულ არჩევნებს პატივი უნდა სცენ. ევროპაში სიტუაცია ძალიან მარტივია, ეს ევროსაბჭოზეც ჩანს. ვინც კითხულობს ოქმებს, ძალიან კარგად იცის. რომ გერმანია არის სანქციების მთავარი მუხრუჭი“, - თქვა მორავიეცკიმ.

პოლონეთის მთავრობის მეთაურმა ასევე მოუწოდა  შეიქმნას საერთაშორისო კომისია  ბუჩასა და კიევის რეგიონის სხვა რაიონებში განვითარებულ მოვლენებს, რომელსაც მან გენოციდი უწოდა.

როგორც ცნობილია, ევროკავშირის ელჩები განიხილავენ რუსეთის წინააღმდეგ სანქციების გაფართოებას, მათ შორის  რუსეთის ენერგორესურსებზე ემბარგოს დაწესების შესაძლებლობას .

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი