2022-04-04 10:25:45, 636 ნახვა

---

ოლაფ შოლცის განცხადებით, უახლოეს დღეებში დასავლეთი რუსეთისთვის დამატებით სანქციებზე შეთანხმდება

გერმანიის კანცლერის, ოლაფ შოლცის განცხადებით, უახლოეს დღეებში დასავლეთის ქვეყნები რუსეთის წინააღმდეგ დამატებითი სანქციების დაწესებაზე შეთანხმდებიან. ამის შესახებ ინფორმაციას „დოიჩე ველე“ ავრცელებს.

ოლაფ შოლცი რუსეთის უკრაინაში შეჭრას, კერძოდ კი, კიევის მახლობლად მდებარე ქალაქ ბუჩაში ჩადენილ „სისასტიკეს“ გამოეხმაურა და აღნიშნა, რომ რუსეთის პრეზიდენტი, ვლადიმერ პუტინი და მისი მოკავშირეები საკუთარ თავზე იგრძნობენ თავიანთი ქმედებების შედეგებს.

„ჩვენ გავაგრძელებთ იარაღის მიწოდებას უკრაინისთვის, რათა ქვეყანამ დაიცვას თავი რუსეთის შეჭრისგან“, - განაცხადა ოლაფ შოლცმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი