შვეიცარიის მთავრობამ გააყინა დაახლოებით 5,75 მილიარდი შვეიცარიული ფრანკი (6,17 მილიარდი დოლარი) რუსული აქტივები. ეს აქტივები სანქციებს ექვემდებარება და თანხა სავარაუდოდ გაიზრდება.- ამის შესახებ Reuters-ი იტყობინება.
"დღეს, პირველად შემიძლია მოგაწოდოთ ინფორმაცია  რუსეთის გაყინული თანხების ოდენობაზე. SECO-ს ეცნობა თანხებისა და აქტივების შესახებ, რომლებიც შეადგენს დაახლოებით 5,75 მილიარდ შვეიცარიულ ფრანკს", - თქვა ერვინ ჰოლინგერმა, სახელმწიფო სააგენტოს მაღალჩინოსანმა. ეკონომიკური საკითხების სამდივნოსთვის (SECO), მმართველმა რომელიც აკონტროლებს სანქციებს.

SECO-ს ინფორმაციით, აქტივები მოიცავს უამრავ საკუთრებას კანტონებში, რომლებიც რუსი მილიონერებისთვის და კრემლთან დაახლოებული პირებისთვის ტურისტულ კურორტებად მსახურობდნენ, 

SECO-მ ჯერჯერობით უარი თქვა გაყინული ან პოტენციურად სანქციების ქვეშ მყოფი აქტივების ზომის შეფასებაზე. თუმცა, ნეიტრალურმა ქვეყანამ დაიწყო ევროკავშირის სანქციების მიღება რუსეთის წინააღმდეგ უკრაინაში შეჭრის გამო.

როგორც ჰოლინგერმა აღნიშნა, 5 მილიარდ ფრანკზე მეტი მაჩვენებელი მიმდინარე მომენტს ეხება. „ევროკავშირის სანქციების სიაში ახალი მოხსენებებისა და პოტენციური დამატებების შემდეგ, რომელსაც ასევე შვეიცარია გვთავაზობს, სავარაუდოა, რომ ეს რიცხვი კიდევ უფრო გაიზრდება“, - თქვა მან.

შვეიცარიაზე ზეწოლა გაძლიერდა, რომელიც დღემდე, მოიაზრებოდა  მოსკოვის ელიტის პოპულარული დანიშნულების ადგილად და რუსული სიმდიდრის უსაფრთხო თავშესაფარად. - წერს "როიტერი"

შვეიცარიის საბანკო ასოციაციის მონაცემებით, მის ბანკებს აქვთ 213 მილიარდ დოლარამდე რუსული კაპიტალი.

ჰოლინგერმა ზუსტად არ თქვა ქვეყანაში არსებული მთლიანი რუსული სიმდიდრე და სანქციების ოდენობა. "ყველა ფიზიკურ ან იურიდიულ პირს არ აქვს სანქციების ქვეშ მყოფი აქტივები შვეიცარიაში. მეორე მხრივ, ყველა რუსი, რომელიც ფლობს აქტივებს შვეიცარიაში, არ არის ამავდროულად სანქციების სიაში", - თქვა მან.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.