28 თებერვლის დღის დასაწყისიდან რუსეთის საოკუპაციო ძალები განაგრძობდა კიევის თავდაცვის გარღვევის არაერთ  მცდელობას. რუსული ჯარების კოლონები ცდილობდნენ დედაქალაქის გარეუბანში შეჭრას. მოწინააღმდეგის ძალების ყველა მოძრაობა კონტროლის ქვეშ იყო და დროული გადაწყვეტილებები იყო მიღებული. დედაქალაქში ვითარება კონტროლს ექვემდებარება.
ამის შესახებ უკრაინის შეიარაღებული ძალების სახმელეთო ძალები იტყობინება.

„რუსეთის საოკუპაციო ძალების ყველა მცდელობა მიზნის მიუღწევლად ჩაიშალა. განადგურდა დამპყრობლის ტექნიკის სვეტები. მტერმა პერსონალის მნიშვნელოვანი დანაკარგი განიცადა. რუსული ჯარები დემორალიზებულები და დაღლილები არიან. ჩვენ ვაჩვენეთ, რომ შეგვიძლია დავიცვათ ჩვენი სახლი დაუპატიჟებელი სტუმრებისგან. "- განაცხადა უკრაინის შეიარაღებული ძალების სახმელეთო ჯარების მეთაურმა - კიევის თავდაცვის სარდალმა, გენერალ-პოლკოვნიკმა ალექსანდრე სირსკიმ.
ამასთან, ევროკავშირი გეგმავს ევროკავშირის ყველა წევრ ქვეყანაში შექმნას ერთიანი, არაბიუროკრატიული პროცედურა ლტოლვილების მიღებისთვის, რომლებმაც დატოვეს უკრაინა ომისგან თავის დასაღწევად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები