ახალქალაქში, სოფელ პატარა სამსარში კაცმა ყოფილი ცოლის ოჯახში, ჯამში ხუთი ადამიანი დაჭრა, მათ შორის მოხუცი ცოლ-ქმრი. ხუთვე მათგანი კლინიკაშია გადაყვანილი. სამედიცინო დაწესებულებაში იმყოფება ბრალდებულიც.

როგორც კლინიკის ექიმი „სამხრეთის კარიბჭესთან აცხადებს, პაციენტებს დაზიანება სავარაუდოდ ცივი იარაღით აქვს მიყენებული. ყველაზე მეტი ჭრილობა მოხუც ცოლ-ქმარს აქვს, ისინი თბილისში გადაჰყავთ, დანარჩენების, მათ შორის 10 თვის ბავშვის მდგომარეობა სტაბილურია.

რეგიონის გამოცემის, "სამხრეთის კარიბჭის" ცნობით, სოფელ პატარა სამსარში მცხოვრებლები ამბობენ, რომ ყოფილი ცოლის ოჯახის წევრების დაჭრაში ბრალდებულმა საპატიმრო რამდენიმე დღის წინ დატოვა. მას მეუღლესთან კოფლიქტის გამო, ორი წლის წინ პოლიციაში სიმამრმა უჩივლა.

"თავის ცოლთან კონფლიქტი ჰქონდა, ამიტომ სიმამრმა [ჩემმა ძმამ] პოლიციას მიმართა და ის დაიჭირეს, საპატიმრო  ხუთი დღის წინ დატოვა. სიმამრზე და მეუღლეზე გაბრაზებული იყო, დღეს რა მოხდა არ ვიცი, ალბათ შური იძია", - ამბობს "სამხრეთის კარიბჭესთან" ბრალდებულის ყოფილი სიმამრის ძმა.

ბრალდებულს და მის ყოფილ მეუღლეს ორი შვილი ჰყავს.

პიროვნება პოლიციამ ყოფილი ცოლის ოჯახში, ხუთი ადამიანის, მათ შორის 10 თვის ბავშვის ცივი იარაღით დაჭრის ბრალდებით დღეს, 11 დეკემბერს დააკავა, მომხდარზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.

ავტორი: ექსპრესნიუსი,

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა