ეკონომიკისა და მდგრადი განვითარების მინისტრის ნათია თურნავასა და უკრაინის მინისტრთა კაბინეტის მინისტრის, ოლეგ ნემჩინოვის თავმჯდომარეობით თბილისში საქართველო-უკრაინის ეკონომიკური თანამშრომლობის ერთობლივი მთავრობათაშორისი კომისიის მეათე სხდომა გაიმართა.

როგორც სხდომაზე გამოსვლისას ნათია თურნავამ აღნიშნა, უკრაინასთან ბოლო წლებში ძალიან აქტიურად მიმდინარეობს თანამშრომლობა როგორც ეკონომიკური, ასევე ტურიზმის მიმართულებით.

მისივე თქმით, კომისიის სხდომაზე მხარეებმა განიხილეს თანამშრომლობა ტრანსპორტის სფეროში,  შავ ზღვაზე მიმოსვლის უფრო მეტად გააქტიურების შესაძლებლობები, ასევე დამატებითი საბორნე-საფიდერო მიმოსვლის აქტუალიზაცია.  განსაკუთრებით აღინიშნა თანამშრომლობა ტურიზმის სექტორში.

ნათია თურნავას თქმით, უკრაინა ტრადიციულად ერთ-ერთი წამყვანი ტურისტული ბაზარია ჩვენთვის, ნომერ მესამე პარტნიორი ტოპ ათეულში და პანდემიის პერიოდშიც კი ძალიან ბევრი უკრაინელი ტურისტი გვსტუმრობს.

მინისტრის განცხადებით, კომისიის სხდომაზე მხარეებმა ასევე განიხილეს ურთიერთობების გააქტიურება ერთობლივი საინვესტიციო პროექტების განვითარების თვალსაზრისით.

„უკრაინულ მხარეს შევთავაზეთ საქართველოში ახალი ინვესტიციების განხორციელება. მიუხედავად იმისა, რომ დღემდე 600-ზე მეტი ერთობლივი კომპანია არსებობს, პოტენციალი ამ მხრივ მეტი გვაქვს", - აღნიშნა ნათია თურნავამ.

ეკონომიკისა და მდგრადი განვითარების მინისტრის განცხადებით, ხაზგასასმელია ორ ქვეყანას შორის სავაჭრო ურთიერთობების სწრაფი ტემპით ზრდა. მისი თქმით, პანდემიის მიუხედავად, მიმდინარე წლის პირველ რვა თვეში ქართული ექსპორტი უკრაინის ბაზარზე 57%-ით გაიზარდა.

„ყველა ამ საკითხზე მე და უკრაინის მინისტრთა კაბინეტის მინისტრმა დეტალურად ვიმსჯელეთ და  ჩვენს ქვეყნებს შორის ეკონომიკური თანამშრომლობის კიდევ უფრო ახალ საფეხურზე ძალიან სწრაფად აყვანის იმედი გვაქვს", - დასძინა ნათია თურნავამ.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა