„ქართული ოცნების“ თავმჯდომარე, ირაკლი კობახიძე, ინტერნეტში საპატრიარქოს წარმომადგენლების ფარული მოსმენა-თვალთვალის ფაილების გავრცელებას ეხმაურება.

როგორც კობახიძე აღნიშნავს, „ნაცმოძრაობა“ და მასთან დაკავშირებული ტელევიზიები მუდმივად ცდილობენ ეკლესიის დისკრედიტაციას.

„მითხრეს, რომ გავრცელდა ეკლესიის მადისკრედიტირებელი რაღაც გადაცემა, მცდელობა იყო, ეს არის მუდმივი კამპანია. ვხედავთ, რომ რამდენიმე წლის განმავლობაში, როგორც „ნაციონალური მოძრაობა“, ასევე მასთან დაკავშირებული ტელევიზიები ცდილობენ მუდმივად ეკლესიის დისკრედიტაციას, თუმცა ეს მცდელობები წარუმატებლობისთვის არის განწირული. ეს არის ანტისახელმწიფოებრივი საქმე, როდესაც კონკრეტული პარტიები და ეკლესიები ეწევიან ეკლესიის მიზანმიმართულ დისკრედიტაციას, ეს არის ანტისახელმწიფოებრივი საქმე და ისინი ამისთვის მიიღებენ სათანადო პასუხს, პირველ რიგში, საზოგადოებისგან ამ არჩევნებზე“ - განაცხადა კობახიძემ.

ცნობისთვის, გუშინ ღამე, სოციალურ ქსელში გავრცელდა საპატრიარქოს წარმომადგენლების, მათ შორის, პატრიარქის მოსაყდრე მეუფე შიოს და საპატრიარქოს საზოგადოებასთან ურთიერთობის ხელმძღვანელის, დეკანოზ ანდრია ჯაღმაიძის ფარული მოსმენა-თვალთვალის ფაილები.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით