საქართველოს პარლამენტის რეგიონული პოლიტიკისა და თვითმმართველობის კომიტეტის გასვლითი სხდომაზე, რომელიც მესტიაში გაიმართა, სამეგრელო - ზემო სვანეთის მხარეში ტურიზმისა და შიდა ავიაციის აღდგენის, აღნიშნული სექტორების შემდგომი განვითარებისა და მასთან დაკავშირებულ საკითხებზე იმსჯელეს.

პარლამენტარებს აღნიშნულ მხარეში  ტურიზმის და შიდა ავიაციის განვითარების გეგმები საქართველოს ეკონომიკისა და მდგრადი განვითარების მინისტრის მოადგილე მარიამ ქვრივიშვილმა გააცნო.  

სხდომაზე მინისტრის მოადგილემ ვრცლად მიმოიხილა  ტურიზმის ბოლოდროინდელი სტატისტიკა და ფინანსური მაჩვენებლები, ასევე ისაუბრა ტურიზმის სექტორისთვის განკუთვნილ სამთავრობო მხარდაჭერის პროგრამებზე, ტურისტულ პროდუქტებსა და ტურისტული ინფრასტრუქტურის განვითარებაზე, რომელმაც ხელი უნდა შეუწყოს სვანეთში როგორც შიდა, ასევე საერთაშორისო მოგზაურების მოზიდვას. მარიამ ქვრივიშვილმა ასევე ხაზი გაუსვა შიდა ავიაციის აღდგენის მნიშვნელობას.

მინისტრის მოადგილემ ყურადღება გაამახვილა სვანეთისთვის ასევე პრიორიტეტულ ზამთრის ტურისტულ კურორტებზე - თეთნულდსა და ჰაწვალზე და იქ არსებულ პროექტებზე, აგრეთვე მიმდინარე წელს ტურიზმის ეროვნულ ადმინისტრაციასთან დაგეგმილ აქტივობებზე, მათ შორის სამეგრელო-ზემო სვანეთში ახალი სამთო და საფეხმაბლო ბილიკების მარკირებაზე,  ტურიზმის სექტორის ადგილობრივი წარმომადგენლებისათვის  დაგეგმილი ტრენინგებზე, საერთაშორისო პრესტურების მოწყობასა  და სხვ. 

„საკომიტეტო მოსმენის ფარგლებში ჩვენ წარვადგინეთ ყველა მნიშვნელოვანი მსხვილი პროექტი, რომელიც სამეგრელო-ზემო სვანეთის მხარეში ჩვენმა გუნდმა გასულ წლებში განახორციელა. მნიშვნელოვანი კომუნიკაცია შედგა საპარლამენტო გუნდთან, რომლის ფარგლებში დეპუტატებს მივაწოდეთ ინფორმაცია, როგორ ვხედავთ და რას ვაპირებთ სამეგრელო-ზემო სვანეთის მხარეში ტურიზმის, შიდა ავიაციის, ასევე მთის კურორტების სწრაფი და მდგრადი აღდგენის კუთხით," - განაცხადა მარიამ ქვრივიშვილმა.

შეხვედრაში ასევე მონაწილეობდნენ ტურიზმის ეროვნული ადმინისტრაციის ხელმძღვანელის მოვალეობის შემსრულებელი მედეა ჯანიაშვილი და ხელმძღვანელის მოადგილე თამარ ყორიაული.

ავტორი: NS (სტატია დაფინანსებულია),

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა