2021-03-19 21:17:01, 667 ნახვა
სამართალი
სოფელ საიმედოში ავტოსაგზაო შემთხვევა მსხვერპლით დასრულდა
ბაღდათის მუნიციპალიტეტის სოფელ საიმედოში ავტოსაგზაო შემთხვევა მსხვერპლით დასრულდა.
არსებული ინფორმაციით, ავტომობილი, რომელიც მაღალი სიჩქარით მოძრაობდა, გზის სავალი ნაწილიდან გადავიდა და ხეს დაეჯახა.
შემთხვევის შედეგად ადგილზე გარდაიცვალა ავტომობილის მძღოლი.
როგორც „ექსპრესნიუს“ შინაგან საქმეთა სამინისტროში განუცხადეს, საქმეზე გამოძიება სისხლის სამართლის 276-ე მუხლით დაიწყო.
ამ წუთებში ადგილზე ექსპერტ-კრიმინალისტები მუშაობენ.
ავტორი: ექსპრესნიუსი,
epn.ge (@expressnews.ge)
