თბილისის საქალაქო სასამართლოში, ფარული აუდიოჩანაწერების საქმეზე, ტელეკომპანია „პირველის“ საინფორმაციო სამსახური უფროსისი, ნოდარ მელაძის მაგისტრატი მოსამართლის წინაშე გამოკითხვა მიმდინარეობს.

როგორც გამოკითხვის დაწყებამდე ნოდარ მელაძემ ჟურნალისტებს განუცხადა, პროკურატურა არ იძიებს სიუჟეტში მოყვანილ სავარაუდო დანაშაულის ნიშნებს და აპელირებს აუდიოჩანაწერების მოპოვებაზე.

„პროკურატურა ამ დრომდე არ განიხილავს, არ მსჯელობს, არ იძიებს სიუჟეტში გამოძიებაში მოყვანილი სავარაუდო დანაშაულის ნიშნებზე და აპელირებს იმას, რომ ჯერ უნდა დაადგინოს რა ფორმით ჩაიწერა აუდიოჩანაწერი. აქედან გამომდინარე, იკვეთება რომ მათ არ გააჩნიათ განზრახვა, რადგან ძალიან მარტივად შეეძლოთ გამოეკითხათ ამ ჩანაწერში მყოფი პირები, მითუმეტეს როდესაც ბერა ივანიშვილმა აღიარა, რაც მინიმუმ უნდა გამხდარიყო გამოკითხვის საფუძველი“, - განაცხადა ნოდარ მელაძემ.

მანვე დასძინა, რომ არ აპირებს პროკურატურას გადასცეს ისეთი მასალები, რომელიც დაეხმარება წყაროს იდენტიფიცირებაში.

„არ ვაპირებთ რაიმე ფორმით ვუპასუხოთ ისეთ შეკითხვას, რომელიც ჩვენი ჟურნალისტური საქმიანობის ფარგლებში მოპოვებულ ინფორმაციას ეხება ან დავასახელოთ წყარო, ან გადავცეთ ისეთი მასალები მათ, რომელიც დაეხმარება წყაროს იდენტიფიცირებაში“, - დასძინა ნოდარ მელაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა