2021-02-20 17:52:30, 730 ნახვა
სამართალი
ნიკა მელიას საქმეზე საქალაქო სასამართლოს გადაწყვეტილება სააპელაციო სასამართლოში გაასაჩივრეს
„ნაციონალური მოძრაობის“ თავმჯდომარის, ნიკა მელიას საქმეზე საქალაქო სასამართლოს გადაწყვეტილება სააპელაციო სასამართლოში გაასაჩივრეს.
ამის შესახებ ჟურნალისტებთან საუბრისას ნიკა მელიას ადვოკატმა, დიმიტრი საძაგლიშვილმა განაცხადა.
„წარვადგინეთ საჩივარი სააპელაციო სასამართლოში. სააპელაციო სასამართლომ უპირატესობა უნდა მიანიჭოს კონსტიტუციას. იმ შემთხვევაში თუ ის ფიქრობს, რომ სისხლის სამართლის საპროცესო კოდექსი გადაწყვეტილების გასაჩივრების საშუალებას არ იძლევა, მაშინ გამოიყენოს კონსტიტუცია, როგორც უზენაესი სამართლებრივი აქტი“, - განაცხადა დიმიტრი საძაგლიშვილი.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
