„ბიოენტექისა“ და „ფაიზერის“ კომპანიები დებენ პირობას, რომ 2021 წლის მეორე კვარტალში ევროკავშირს კორონავირუსის საწინააღმდეგო ვაქცინის 75 მილიონზე მეტ დოზას გადასცემენ.

ამის შესახებ ინფორმაციას Deutsche Welle ავრცელებს.

გამოცემის ცნობით, ჯერჯერობით ევროკავშირის ქვეყნებში ვაქცინაციის გავრცელების პროგრამა შეფერხებით მიმდინარეობს.

BioNTech-Pfizer-სა და AstraZeneca-ს ვაქცინის წარმოებაში პრობლემები შეექმნათ, რამაც ევროკავშირის ქვეყნებში ვაქცინაციის მაჩვენებლები ისრაელთან, შეერთებულ შტატებთან და ბრიტანეთთან შედარებით მნიშვნელოვნად შეამცირა.

გერმანული კომპანია BioNTech-ი და ამერიკული კომპანია Pfizer-ი თებერვალში, გერმანიის ცენტრალურ ქალაქ მარბურგში ახალ საწარმოს გახსნიან, რომლის საშუალებითას შესაძლებლობა ექნებათ, რომ ყოველწლიურად 750 მილიონი ვაქცინის დოზა აწარმოონ.

საერთო ჯამში, BioNTech-Pfizer-ი ევროკავშირისთვის 2021 წლის ბოლომდე დაახლოებით, 2 მილიარდი დოზის ვაქცინის წარმოებას გეგმავს, რაც დაგეგმილზე 1.3 მილიარდით მეტია.

ავტორი: ექსპრესნიუსი,

სოციალური ქსელები

დაესწარით საქართველოს ბანკისა და LEAF-ის ვებინარს - აღმოაჩინეთ საერთაშორისო განათლების ახალი შესაძლებლობები

სი ძინპინმა კვლავ უარი თქვა პუტინს რუსული გაზის ახალი კონტრაქტის გაფორმებაზე

წინანდლის კლასიკური მუსიკის ფესტივალი თიბისი კონცეპტის მხარდაჭერით გაიმართება

გერმანიის ელჩი: საქართველო ევროპული ინტეგრაციის საპირისპირო მიმართულებით მიდის