ალექსეი ნავალნი მხარდამჭერებს საპროტესტო გამოსვლების გაგრძელებისკენ მოუწოდებს

2021-01-29 10:01:38, 767 ნახვა

მსოფლიო

რუსი ოპოზიციონერი ალექსეი ნავალნი მხარდამჭერებს ქუჩაში გამოსვლისა და საპროტესტო აქციების გაგრძელებისკენ მოუწოდებს.

ამის შესახებ ინფორმაციას ადგილობრივი მედია ავრცელებს.

„კვლავ გამოდით, არაფრის შეგეშინდეთ. არავის სურს, იცხოვროს ქვეყანაში, სადაც მეფობს უკანონობა და კორუფცია“, - აცხადებს ნავალნი.

მისი თქმით, ვლადიმირ პუტინის შესახებ შექმნილ საგამოძიებო ფილმს 100 მლნ-ზე მეტი მნახველი ჰყავს.

შეგახსენებთ, რომ რუს ოპოზიციონერს ხიმკის პოლიციის განყოფილებაში, 30-დღიანი პატიმრობა შეუფარდეს.

17 იანვარს რუსმა სამართალდამცავებმა გერმანიიდან დაბრუნებული ოპოზიციონერი, ალექსეი ნავალნი „შერემეტიევოს“ აეროპორტში დააკავეს. როგორც ქვეყნის ფედერალური პენიტენციური სამსახური აცხადებს, ნავალნის დაკავების მიზეზი გამოსაცდელი ვადის პირობების სისტემატური დარღვევა გახდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,