2021-01-19 19:56:55, 819 ნახვა

---

ბორელი - მოვუწოდებთ რუსეთის ხელისუფლებას, გაათავისუფლოს ბატონი ნავალნი, ასევე ყველა ჟურნალისტი და აქტივისტი

„მოვუწოდებთ რუსეთის ხელისუფლებას, გაათავისუფლოს ბატონი ნავალნი, ასევე ყველა ჟურნალისტი და აქტივისტი“, - ამი შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა კომისარმა ჟოზეფ ბორელმა ევროპარლამენტის პლენარულ სესიაზე განაცხადა.

მან ასევე აღნიშნა, რომ სამართლის პოლიტიზირება მიუღებელია.

„მოსკოვში დაბრუნებისას პირდაპირ ეთერში რუსი ოპოზიციონერის ალექსეი ნავალნის დაკავება მიუღებელია როგორც ევროპისთვის, ისე მთელი საერთაშორისო საზოგადოებისთვის.

გუშინ ევროკავშირის სახელით გამოვაქვეყნე მკაფიო გზავნილი, რომ ჩვენ ვგმობთ ბატონი ნავალნის დაკავებას და მას მტკიცე სოლიდარობას ვუცხადებთ. ნავალნის უფლებები უნდა იყოს სრულად და უპირობოდ დაცული. სამართლის პოლიტიზირება მიუღებელია.

მოვუწოდებთ რუსეთის ხელისუფლებას, გაათავისუფლოს ბატონი ნავალნი, ასევე ყველა ჟურნალისტი და აქტივისტი, რომელიც მისი დაბრუნების დროს დააკავეს“, – განაცხადა ბორელმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი