ევროპის საპარლამენტო ასამბლეამ

2015-01-29 21:40:02, 720 ნახვა

პოლიტიკა

ევროსაბჭოს საპარლამენტო ასამბლეამ საქართველოს საპარლამენტო ოპოზიციის შესწორებას მხარი 51 ხმით დაუჭირა.

რეზოლუციაში სათაურით "მედიის თავისუფლება ევროპაში" ჩაიწერა, რომ როგორც მედია დამფუძნებლის, ეროსი კიწმარიშვილის მკვლელობის საქმე სრულყოფილად უნდა იყოს გამოძიებული. გავიდა ასევე მეორე დამატებას, რომელიც მაუწყებლის შესახებ კანონში შესატანი ცვლილებების გადახედავს გულისხმობს.

"მედიის თავისუფლება ევროპაში"-რეზოლუციის პროექტში ცვლილებების ინიციატორი "ნაციონალური მოძრაობა" იყო, საპარლამენტო უმცირესობამ ორივე ცვლილების რეზოლუციის პროექტში ჩამატება შეძლო.

რეზოლუციის მიღებას წინ უსწრებდა, ქართველი დეპუტატების დაპირისპირება. "ნაციონალური მოძრაობის" წარმომადგენლები რეზოლუციის ტექსტში ეროსი კიწმარიშვილის საქმის დაუყონებლივ გამოძიებასა და მაუწყებლის შესახებ კანონში დაგეგმილი ცვლილებების ჩამატებას ითხოვდნენ რასაც უმრავლესობის წევრი გუგული მაღრაძე დაუპირისპირდა.

მაღრაძეს "ნაციონალური მოძრაობის" დეპუტატები, გიორგი კანდელაკი და ჩიორა თაქთაქიშვილი გამოეხმაურენ, რასაც პარლამენტარებს შორის დებატები მოჰყვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან