​ეკონომიკისა მდგრადი განვითარების მინისტრმა ნათია თურნავამ განაცხადა, რომ პრემიერ-მინისტრის დავალებით, ეკონომიკის სამინისტრო ჩაერთო საქართველოში სამედიცინო ჟანგბადის წარმოების სიმძლავრეების გაუმჯობესებაში.

მისი თქმით, სამინისტრო მონაწილეობას მიიღებს სამედიცინო ჟანგბადის მარაგების გაზრდის პროცესში.

„პრემიერ-მინისტრის დავალებით ეკონომიკის სამინისტრო ჩაერთო საქართველოში სამედიცინო ჟანგბადის წარმოების სიმძლავრეებისა და მარაგების გაზრდის პროცესში. მოგახსენებთ, რომ პანდემიის  მეორე ტალღის დროს პრაქტიკულად სამჯერაა გაზრდილი სამედიცინო ჟანგბადის მოხმარება სამედიცინო დაწესებულების მიერ. კერძოდ, 88 ტონას დღეში აჭარბებს სამედიცინო ჟანგბადის მოხმარება, რაც სამჯერ და მეტად აღემატება პანდემიის ეტაპამდე მაჩვენებელს. ჩვენ ვმუშაობთ, რომ არ შეიქმნას არანაირი დეფიციტი სამედიცინო ჟანგბადის მხრივ.

ოპერატიულად შევიძინეთ თურქეთში, ქარხანაში 10 ახალი ჟანგბადის დიდი სიმძლავრის გენერატორი. ორი უკვე ჩამოვიდა და დამონტაჟდა რუხის კლინიკაში. 17 დეკემბერს ველოდებით რომ კიდევ 6 დანადგარი შემოვა თურქეთიდან და სამი აქედან დამონტაჟდება ბათუმის რესპუბლიკურ საავადმყოფოში და სამი თბილისის რესპუბლიკურ საავადმყოფოში“, - განაცხადა თურნავამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს