სინგაპურში ქალს, რომელმაც ფეხმძიმობის პერიოდში კორონავირუსის ინფექცია გადაიტანა შეეძინა ბავშვი, რომლის ორგანიზმშიც COVID 19-ის საწინააღმდეგო ანტისხეულები აღმოაჩინეს, - ამის შესახებ ინფორმაციას „რია ნოვოსტი“ ავრცელებს.

მედიის ცნობით, სელინ ჩენმა კორონავირუსი მარტის თვეში გადაიტანა, მაშინ, როდესაც ის ჯერ 10 კვირის ორსული იყო.  ინფექცია საკმაოდ მსუბუქ ფორმებში მიმდინარეობდა და ორი კვირის შემდეგ ის კლინიკიდან გაწერეს.

„ეს ძალიან საინტერესოა, მისმა პედიატრმა განაცხადა, რომ ჩემი ანტისხეულები ოდრინს, ჩემს შვილს გადაეცა. ჩემმა ექიმმა მითხრა, რომ ეს ანტისხეულები მე მას ფეხმძიმობის პერიოდში გადავეცი“, - აცხადებს სელინ ჩენი.

მედია იუწყება, რომ შესაძლოა ეს სინგაპურში მხოლოდ ერთი შემთხვევა არ არის, რადგან ამ ქვეყანაში საკმაოდ ბევრმა ორსულმა ქალმა გადაიტანა კორონავირუსი. თუმცა ამ ეტაპზე ზემოთ ხსენებული ბავშვი პირველია, რომელსაც დაბადების შემდეგ სისხლში ანტისხეულები აღმოაჩნდა.

როგორც მედიკოსები აცხადებენ ჯერჯერობით არ დადასტურებულა თუ კონკრეტულად რა გზით გადაეცა დედისგან ბავშვს ანტისხეულები. ასევე ექიმების თქმით, ეს ანტისხეულები მას თითქმის ერთი წლის მანძილზე დაიცავენ ინფიცირებისგან.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა