ევროკავშირი მთიანი ყარაბაღისა და მიმდებარე ტერიტორიაზე კონფლიქტის შედეგად დაზარალებული მშვიდობიანი მოსახლეობის დასახმარებლად დამატებით სამ მილიონ ევროს გამოყოფს.

როგორც ბრიუსელში კომისარმა კრიზისის მართვის საკითხებში, იანეზ ლენარშიჩმა განაცხადა, აღნიშნული თანხა დაემატება 900 ათას ევროს, რომელიც რეგიონში საბრძოლო მოქმედებების დაწყების შემდეგ გამოიყო.

„ევროკავშირი აგრძელებს კონფლიქტის შედეგად დაზარალებული ყველა მშვიდობიანი მოქალაქის დახმარებას. ჩვენ ვუგზავნით დამატებით ჰუმანიტარულ დახმარებას მათ. მივესალმები რეგიონში საომარი მოქმედებების შეწყვეტას. ამის მიუხედავად, უკიდურესად შეშფოთებული ვარ იძულებით გადაადგილებული დაუცველი ადამიანების ჰუმანიტარული მდგომარეობით, რომლებსაც პანდემიასთან ერთად ზამთრის მძიმე პირობებთანაც მოუწევთ გამკლავება“, - განაცხადა ლენარშიჩმა.

შეგახსენებთ, რომ რუსეთის პრეზიდეტ ვლადიმერ პუტინს, აზერბაიჯანის პრეზიდენტ ილჰამ ალიევსა და სომხეთის პრემიერ-მინისტრ ნიკოლ ფაშინიანს შორის 9 ნოემბერს არაღიარებულ მთიან ყარაბაღში კონფლიქტის დასრულების მიზნით ხელშეკრულება გაფორმდა.

ავტორი: ექსპრესნიუსი,

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას