ევროპის რიგი ქვეყნები მოქალაქეებს აფრთხილებენ, რომ ნაადრევია საშობაო მოგზაურობის დაგეგმვა, რადგან კონტინენტზე კორონავირუსის შემთხვევები კვლავ იზრდება.

ამის შესახებ BBC წერს.

გამოცემის ცნობით, შვედეთში ხალხს განუცხადეს, რომ შესაძლოა, შვებულების პერიოდში მოგზაურობისგან თავის შეკავება მოუწიოთ.

ამავდროულად, ირლანდიისა და საფრანგეთის ხელისუფლება აცხადებს, რომ ჯერ ძალიან ადრეა იმის თქმა, შეეძლებათ თუ არა ხალხს მოგზაურობა.

სადღესასწაულო სეზონამდე ექვსი კვირით ადრე, რამდენიმე ქვეყანაში მოქმედებს შეზღუდვები და კორონავირუსის პრევენციის მიზნით დაწესებული სხვა ზომები.

პორტუგალიამ მნიშვნელოვნად გააფართოვა იმ ადგილების რაოდენობა, რომლებიც ღამით კომენდანტის საათს ექვემდარებიან. ამასთან, ორშაბათიდან ქვეყნის სამი მეოთხედი მთავრობის უმკაცრესი შეზღუდვების ქვეშ აღმოჩნდება.

შვედეთის მთავარმა ეპიდემიოლოგმა, ანდერს ტეგნელმა განუცხადა მოქალაქეებს, რომ საშობაო პერიოდში სხვადასხვა რეგიონში შეზღუდული მოგზაურობისთვის მოემზადონ, რათა რეგიონალურმა ჯანდაცვის სამსახურებმა ზედმეტი გადატვირთვა თავიდან აიცილონ.

ამასთან, ტეგნელი აცხადებს, რომ შვედები მზად უნდა იყვნენ, რადგან შესაძლოა ყველაფერი „უშუალოდ შობამდე“ შეიცვალოს.

როგორც ტეგნელი აღნიშნავს, Covid-19-ის ახალი შემთხვევების „დიდი ნაწილი“ ამჟამად კერძო წვეულებებიდან მოდის. ქვეყნის მთავარი აპიდემიოლოგი იმედოვნებს, რომ  22:00 საათის შემდეგ ბარებში ალკოჰოლის მირთმევა აკრძალული იქნება და ქვეყანაში სოციალური შეკრებების ზრდა არ მოხდება.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას