ოპოზიცია გაიმარჯვებს 31 ოქტომბერს ხალხთან ერთად, განწირულები ვართ ამისთვის, - ამის შესახებ„ერთიანი ნაციონალური მოძრაობის“ ერთ-ერთმა წევრმა, ნიკა მელიამ გორში ენმ-ს მაჟორიტარობის კანდიდატის წარდგენისას განაცხადა.

ნიკა მელიას თქმით, ოპოზიცია გამარჯვებას მშვიდობიანი ხელებით მოიპოვებს.

„ჩემი მეგობრებო, ერთი კვირა დარჩა, ძალიან გთხოვთ ყველამ კარგად გავიაზროთ, თუკი ვინმეს სჭირდება ეს. წყალში უნდა ჩავდგეთ, ერთი კვირა მაქსიმალურად უნდა მოვინდომოთ, მაქსიმალური მობილიზაცია, ქუდზე კაცი და 31 ოქტომბერს ერმა, ერმა უნდა გაიმარჯვოს. ოპოზიცია გაიმარჯვებს ხალხთან ერთად, განწირულები ვართ გამარჯვებისთვის, ამ ქვეყანას არ უწერია მარცხი, იმიტომ რომ ჩვენი წინაპრების, მრავალი თაობის დაღვრილი სისხლი არ დაიკარგოს უკვალოდ, ერთი ადამიანი ფაშად ამ ქვეყანას ვერ მოაჯდება, გამორიცხულია. ლანგარზე და ლანგარით გამარჯვებას არ მოგვაწვდის ბატონი ოლიგარქი, მაგრამ ჩვენ ამ გამარჯვბას მოვიპოვებთ მშვიდობიანი ხელებით, ჩვენი რწმენით, გულანთებული ქართველები დაამარცხებენ არა მხოლოდ ოლიგარქს, არამედ უიმედობას“, - განაცხადა ნიკა მელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი