გაერთიანებული ოპოზიცია პროკურატურას მიმართავს და მოუწოდებს დაუყოვნებლივ გამოიძიონ ბოლნისში მომხდარი ძალადობრივი ფაქტი.

აღნიშნულის შესახებ დღეს გამართულ ბრიფინგზე საარჩევნო ბლოკი ერთიანი ნაციონალური მოძრაობა - გაერთიანებული ოპოზიცია „ძალა ერთობაშიას“ წარმომადგენელმა თამარ კორძაიამ ისაუბრა.

როგორც კორძაია აღნიშნავს, ბიძინა ივანიშვილი და „ქართული ოცნება“, მათ მიერ წარმოებულ ძალადობრივ კამპანიაში დანაშულის ხარისხს სულ უფრო და უფრო ზრდიან.

„ივანიშვილის და „ქართული ოცნების“ ხელისუფლება  ყოველგვარ ზღვარს გადაცილდა, რადგან დანაშაულების ხარისხი ძალადობრივი კამპანიის ფარგლებში, სულ უფრო და უფრო მძიმდება და საგანგაშო ნიშნულს უახლოვდება. 

ის რაც გუშინ ბოლნისში მოხდა, ეს უკვე შეიძლება დაკვალიფიცირდეს ადამიანის სიცოცხლის განზრახ მოსპობის მცდელობა. 19 ოქტომბერს 17:00 საათზე კახა ოქრიაშვილის შტაბის წევრზე  თავდასხმა განხორციელ;და. ლევან მიქელაძეზე თავდასხმის ფორმა იყო შემდეგი - როდესაც გამოდიოდა ბოლნისიდან მ,ას დაედავნა მანქანა, რომელიც 10 კილომეტრის მანძილზე მისდევდა. სპეციალურად ეჯახებოდა, რომ გზიდან გადაეგდო. ბოლოს 6-ჯერ მოხდა გასროლა. მანქნას ეტყობა ნატყვიარიც. მანქანას ეტყობა შეჯახების კვალიც. ეს უკვე ყველანაირ ზღვარს სცდება. ესაა იმის დადასტურება, რომ არავის ამ ქვეყანაში სამართლიანი არჩევნების ჩატარება არ აინტერესებს ოპოზიციის გარდა.

თავდამსხმელები იდენტიფიცირებულები არიან. მივმართავთ პროკურატურას, რომ დაიწყოს გამოძიება და დააკაონ ის ადამიანები, ვინც ამ დანაშაულში მონაწილეობდნენ. სახელი და გვარები ცნობილია. ესენი არიან მეშველიანის შტაბის წევრები. ისინი ეხმარებიან მას კამპანიაში. ამიტომ, თამამად შეგვიძლია ვთქვათ, რომ ოცნება გადასულია უმძიმესი დანაშაულებების გზით არჩევნების მოგებისთვის ბრძოლაში“, - განაცხადა თამარ კორძაიამ.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა