რუსეთის არასამთავრობო ორგანიზაციის „Pussy Riot“-ის წევრებმა, ვლადიმერ პუტინის დაბადების დღის აღსანიშნავად რუსეთის სამთავრობო შენობებზე ლგბტ დროშები დაკიდეს.

როგორც „Pussy Riot“ იუწყება, მათ ცისარტყელის დროშები დაკიდეს „რუსეთის სახელმწიფოებრიობის ყველაზე მნიშვნელოვანი სიმბოლოების“ ფასადებზე.

კრემლის საწინააღმდეგო პანკ-როკ ჯგუფმა გააზიარა მისი წევრების ფოტოები, რომმლებიც LGBT დროშებს ამონტაჟებდნენ უშიშროების ფედერალური სამსახურის, რაიონის პოლიციის, უზენაესი სასამართლოს და კულტურის სამინისტროს შენობებზე.

აღნიშნული პროცესის დროს დააკავეს ორი ჟურნალისტი, - იუწყება „Pussy Riot“.

ჯგუფმა სოციალურ ქსელში გააზიარა პოსტი, სადაც მათი მოთხოვნები ჩამოთვალა, რომელთა შორისაა ერთსქესიანი პარტნიორობის ლეგალიზაცია, ლგბტ რუსების დისკრიმინაციის შეწყვეტა და ჩეჩნეთის ულტრაკონერვატიულ რესპუბლიკაში ლგბტ წევრების გატაცებისა და მკვლელობების გამოძიება.

ჯგუფმა ასევე მოითხოვა რუსეთის სავავო კანონის გაუქმება, რომელიც კრძალავს ჰომოსექსუალიზმის „პროპაგანდას“.

„ჩვენ ყველას ვაძლევთ ამ ცისარტყელას, როგორც დაკარგული სიყვარულისა და თავისუფლების სიმბოლოს“, - წერია „Pussy Riot”-ის გავრცელებულ პოსტში.

ამავდროულად, უცნობმა პირებმა მოსკოვში აშშ-ის საელჩოს მოპირდაპირე შენობიდან ვლადიმერ პუტინის მხარდამჭერი ბანერი დაკიდეს, - ამის შესახებ ინფორმაციას „Mash Telegram“-ის არხი ავრცელებს, რომელსაც გავრცელებული ინფორმაციით, კავშირი აქვს რუსეთის უსაფრთხოების სამსახურთან.

„გილოცავთ, ნომერ პირველო პრეზიდენტო“, - წერია აბრაზე, რომელზეც ვლადიმერ პუტინის ფოტოა გამოსახული.

კრემლის ინფორმაციით, რუსეთის ფედერაციის პრეზიდენტი, ვლადიმერ პუტინი გეგმავს 68-ე დაბადების დღეზე ათამდე სატელეფონო საუბრის ჩატარებას უცხოელ და ადგილობრივ მოღვაწეებთან, დანარჩენ დღეს კი, პრეზიდენტი ოჯახთან და მეგობრებთან ერთად გაატარებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს