დონალდ ტრამპმა აშშ-ს უზენაესი სასამართლოს პოსტზე  რუთ ბეიდერ გინსბურგის შემცვლელად ემი კონი ბარეტი წარადგინა.

წარდგინების ცერემონია თეთრ სახლში გაიმართა და მას პრეზიდენტის ადმინისტრაციის თანამშრომლებთან ერთად, კონგრესმენებიც ესწრებოდნენ.

ტრამპმა მოსამართლე ბარეტი დაახასიათა, როგორც სამართლის დარგის ერთერთი ყველაზე ბრწყინვალე და ნიჭიერი წარმომადგენელი.
48 წლის ემი კონი ბარეტი დონალდ ტრამპის მიერ უზენაესი სასამართლოს მოსამართლის თანამდებობაზე წარდგენილი მესამე კანდიდატია.

ემი კონი ბარეტს ახასიათებენ, როგორც მორწმუნე კათოლიკეს, რომელსაც აბორტების ლეგალიზაციის მოწინააღმდეგე ორგანიზაციები უჭერენ მხარს.

აღსანიშნავია, რომ ბარეტმა თავის დროზე მხარი დაუჭირა ტრამპის მიერ საიმიგრაციო პოლიტიკის გამკაცრებას.

სიცოცხლის უკანასკნელ დღეებში თავად გინსბურგმა საკუთარ შვილიშვილს მისწერა, რომ წინააღმდეგი იყო, მისი შემცვლელი ტრამპს დაესახელებინა და ეს მხოლოდ ნოემბრის არჩევნების შემდეგ, ახალ პრეზიდენტს უნდა გაეკეთებინა.

ამჟამად უზენაესი სასამართლოს 9 წევრიდან 5 კონსერვატორია.

ავტორი: ექსპრესნიუსი,

სოციალური ქსელები

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს

საქართველოს ბანკის საერთაშორისო სასტიპენდიო პროგრამა მოსწავლეებისთვის - ისწავლე UWC პროგრამით სასურველ ქვეყანაში

მეუფე ზენონი - არსებობს საფრთხე,სიძულვილის ენასთან ბრძოლის იდეა გადაიქცეს კონტროლის მექანიზმად