ეკონომიკისა და მდგრადი განვითარების მინისტრის ნათია თურნავას განცხადებით, ამერიკის შეერთებული შტატების სახელმწიფო დეპარტამენტის მიერ გამოქვეყნებული ანგარიში, რომელიც საქართველოს საინვესტიციო გარემოს შეეხება, აბსოლუტურად ობიექტურია.

„ანგარიშში საქართველოზე გაკეთებულია უაღრესად პოზიტიური შეფასებები, რაც აბსოლუტურად ობიექტურია - ჩვენმა გუნდმა ძალიან ბევრი გააკეთა  ბოლო წლებში იმისთვის, რომ ვიყოთ არამარტო რეგიონალური ლიდერი ბიზნესის კეთების სიმარტივის, ბიზნესის თავისუფლების და გამჭვირვალე გარემოს თვალსაზრისით, არამედ ზოგიერთი პარამეტრის, მაგალითად, ბიზნესის რეგისტრაციის სიმარტივის მიხედვით ჩვენ მსოფლიოს ლიდერები ვართ", - აღნიშნა ეკონომიკის მინისტრმა.

ამასთან, ნათია თურნავას თქმით, აშშ-ს სახელმწიფო დეპარტამენტის ახალ ანგარიშში სრულიად სამართლიანად, ძალიან პოზიტიურად არის შეფასებული საქართველოს ხელისუფლების მიერ ბოლო წლებში გატარებული რეფორმები არამარტო ეკონომიკის სფეროში, არამედ სხვა მიმართულებებით, მათ შორის მართლმსაჯულების სისტემაში განხორციელებული რეფორმები, ასევე ძალიან მაღალ შეფასებას იმსახურებს საარჩევნო რეფორმა.

„რასაკვირველია, ჩვენთვის ძალიან სასიამოვნოა, რომ ჩვენი სტრატეგიული პარტნიორი ასე ობიექტურად და დადებითად აფასებს იმ ძალისხმევას, რასაც არ ვიშურებთ იმისთვის, რომ საინვესტიციო გარემო საქართველოში იყოს კიდევ უფრო მიმზიდველი, რაც განსაკუთრებით გვაძლიერებს ახლა, როდესაც გლობალური პანდემიაა და გლობალური გამოწვევაა და გლობალური ეკონომიკა დადგა დიდი სირთულის წინაშე, ჩვენ კი ამ დროს მაქსიმალურად ვცდილობთ ინვესტიციები გავზარდოთ", - აღნიშნა ნათია თურნავამ.

ავტორი: NS (სტატია დაფინანსებულია),

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა