გერმანიის საგარეო საქმეთა მინისტრის ჰაიკო მაასის განცხადებით, თუ სასამართლომ საქართველოს მოქალაქის, ზელიმხან ხანგოშვილის მკვლელობასთან რუსეთის კავშირები დაადგინა, ოფიციალური ბერლინის რეაქცია შესაბამისი იქნება.

ინფორმაციას რუსული მედია ავრცელებს.

მედიის ინფორმაციით, აღნიშნული განცხადება გერმანიის პირველმა დიპლომატმა რუს კოლეგასთან, სერგეი ლავროვთან ერთობლივ პრესკონფერენციაზე განაცხადა.

მინისტრის განცხადებით, სასამართლოზეა დამოკიდებული საბოლოო განაჩენი, ხოლო გერმანიის პასუხი დამნაშავის მიმართ განაჩენზეა დამოკიდებული.

"როგორი იქნება განაჩენი, მხოლოდ სასამართლოს გადასაწყვეტია. ეს იქნება საფუძველი, ჩვენი რეაქციისთვის. თუ სასამართლო იგივე გადაწყვეტილებას მიიღებს და პროკურატურის პოზიციას გაიზიარებს, ჩვენ შესაბამისი რეაქცია გვექნება", -  განაცხადა მაასმა.

შეგახსენებთ, რომ  საქართველოს მოქალაქე ზელიმხან ხანგოშვილი ბერლინის ცენტრში 2019 წლის ზაფხულში მოკლეს.

დაკავებულ ბრალდებულს გერმანიის პროკურატურამ ბრალი ოფიციალურად 18 ივნისს წაუყენა და მკვლელობის დაკვეთაში რუსეთის სახელმწიფო სტრუქტურები დაადანაშაულა.

გერმანიის საგარეო საქმეთა სამინისტროში დაბარებული რუსეთის ელჩი, გერმანიას სანქციების დაწესების შემთხვევაში საპასუხო რეაგირებით დაემუქრა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია