2020-08-10 14:20:29, 1062 ნახვა
სამართალი
ადვოკატი - ენზელ მკოიანის მიმართ მუქარისა და ფულის გამოძალვის მცდელობას ჰქონდა ადგილი
"ქართული ოცნების" დეპუტატის, ენზელ მკოიანის ადვოკატის განცხადებით, მკოიანის მიმართ მუქარისა და ფულის გამოძალვის მცდელობას ჰქონდა ადგილი.
მისივე თქმით, ფაქტზე უკვე მიმართეს პროკურატურას, მაგრამ მათი განცხადება რატომღაც სამცხე-ჯავახეთის რეგიონალურ განყოფილებაში აღმოჩნდა.
„ბატონ ენზელ მკოიანს დაურეკეს თავის ტელეფონზე, მესენჯერის საშუალებით განხორციელდა ზარი. პიროვნება საუბრობდა რუსულ ენაზე. მოუწოდებდა მკოიანს, რომ პოლიტიკას ჩამოშორებოდა, თორემ მას წაართმევდნენ მისთვის ყველაზე ახლობელ ადამიანს. 4 დღის შემდეგ კიდევ დაუკავშირდნენ და ფულის გამოძალვაზე გადავიდნენ. უკვე მივმართეთ პროკურატურას, მაგრამ ეს განცხადება სამცხე-ჯავახეთის რეგიონალურ განყოფილებაში აღმოჩნდა“, - განაცხადა ადვოკატმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
