აშშ-ში, ატლანტაში საპროტესტო აქციების მორიგი ტალღა მას შემდეგ დაიწყო, რაც პოლიციელის მიერ ნასროლ ტყვიას, აფროამერიკელი ემსხვერპლა.

ამის შესახებ ინფორმაციას CNN-ი ავრცელებს.

როგორც CNN-ი იუწყება, პოლიციის ერთ-ერთმა ოფიცერმა 27 წლის რეიშარდ ბრუკსს ცეცხლსასროლი იარაღით პარასკევს, ღამით ქალაქში, Wendy's-ის რესტორნის პარკინგზე ესროლა.

მისი გარდაცვალებიდან 24 საათიც არ გასულა, რაც ატლანტას პოლიციის უფროსმა, ერიკა შილდმა განაცხადა, რომ ის თანამდებობიდან გადადგა.

პოლიციის ცნობით, მათ მიიღეს შეტყობინება მძღოლის შესახებ, რომელსაც საკუთარ მანქანაში ჩაეძინა და გასასვლელს ბლოკავდა.

პოლიციის მტკიცებით, ეს იყო რეიშარდ ბრუკსი, რომელიც ალკოჰოლის ზემოქმედების ქვეშ იმყოფებოდა და პოლიციას დაკავებისას წინააღმდეგობა გაუწია.

გამვლელების მიერ გადაღებულ ვიდეოში ჩანს, რომ ბრუქსს დაპირისპირება აქვს ორ პოლიციელთან, შემდეგ კი ერთ-ერთს ელექტროშოკურ პისტოლეტს ართმევს და გარბის. გარდა ამისა, ვიდეოში ისმის გასროლის ხმაც.

დაჭრილი ბრუქსი საავადმყოფოში გადაიყვანეს, თუმცა მისი გადარჩენა ვერ მოხერხდა.

ბრუკსის მკვლელობის შემდეგ ატლანტაში, მომიტინგეებმა კვლავ შეკრება დაიწყეს. დაძაბულობა შაბათს ღამით გამწვავდა, როდესაც Wendy's-ის მიმდებარედ, სადაც სროლა მოხდა, უამრავი ხალხი შეიკრიბა. ზოგიერთმა მათგანმა მაღაზიის მინებიც კი ჩაამსხვრია.

გვიან ღამით, სწრაფი კვების ობიექტი ცეცხლმოკიდებული იყო. მეხანძრეებს კი საათზე მეტი  სჭირდებოდათ შენობამდე მისადგომად, რადგან ის მომიტინგეების მიერ იყო გარშემორტყმული.

პროტესტის დროს პოლიციამ სულ მცირე 36 ადამიანი დააკავა.

მათ ასევე მოუწიათ ცრემლსადენი გაზის გამოყენება. პოლიციის ოფიცერი, რომელიც ბრუკსის დაკავებაში მონაწილეობდა, სამსახურიდან გაათავისუფლეს, მეორე კი ადმინისტრაციულ სამსახურში გადაიყვანეს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია